मोबाइल एप डाउनलोड गर्न यहाँ क्लिक गर्नुहोस "समुन्नत, सुरक्षित र वातावरण मैत्री सुन्दर सहर! सुशासनयुक्त पर्यटकीय र समृद्ध तिलोत्तमा नगर"

नगर परिचय

समुद्र सतहबाट १६० देखि १७५ मिटरको उचाइँमा रहेको तिलोत्तमा नगरपालिकाको नामकरण पवित्र तथा प्राचीन नदी तिलोत्तमाबाट रहन गएको हो । पुराणप्रसिद्ध स्वर्गलोककी एक सुन्दरी अप्सरा तिलोत्तमाका नामबाट रहन गएको उक्त नदीले राणाकालको आरम्भसँगै स्थानीय थारु जमिन्दारको विशेष पहलमा सिँचाइको व्यापकता पाएको बुझिन्छ । यही तिलोत्तमा नदीबाट सिंचित भूमिलाई साविकका सात गाविस (आनन्दवन, शंकरनगर, करहिया, मक्रहर, मधवलिया, टिकुलीगढ र गंगोलिया) जोडेर यस नगरको नाम तिलोत्तमा राखिन गएको हो । वर्षामासमा पहाडी पाँगो बोकेर आउने तिलोत्तमा नदीले यस क्षेत्रलाई अन्न, तरकारी र फलफूलका लागि अत्यन्त उर्वर बनाएको छ । तिलोत्तमा भूमिको कृषिका निम्ति तिलोत्तमा नदी वरदान सावित हुँदै आएकाले पनि यस नगरको उपर्युक्त नाम उपयुक्त रहेको छ ।

यो नगरपालिका २७० ३३ुदेखि २७०३९ु उत्तरी अक्षांश र ८३० २५ुदेखि ८३० ३३ु पूर्वी देशान्तरमा अवस्थित रहेको छ । नेपालको ५ नं. प्रदेशअन्तर्गत लुम्बिनी अञ्चलको रूपन्देही जिल्लामा रहेको नवघोषित तिलोत्तमा नगरपालिका पूर्वमा रोहिणी नदी र देवदह नगरपालिका, पश्चिममा तिनाउ नदी र सियारी तथा शुद्धोधन गाउँपालिका, उत्तरमा बुटवल उपमहानगरपालिका एवं दक्षिणमा ओमसतिया गाउँपालिका र सिद्धार्थनगर नगरपालिकाका बीचमा अवस्थित छ । यस नगरपालिकाको जम्माजम्मी क्षेत्रफल १२६.२ वर्ग कि.मि. रहेको छ जसमा लम्बाई सरदर १२.५ कि.मि. र चौडाई सरदर १०.१ कि.मि. छ । हाल यसकोे जनसंख्या १,२३,००० पुगेको छ ।

वि.सं. २०७१ सालमा नगरपालिका घोषणा भई २०७३ सालमा नगरकार्यपालिकाका रूपमा स्थापित यो क्षेत्र अक्षत भूमि ९खष्चनष्ल बिलम० का रूपमा रहेको छ । नवीन नगरका रूपमा स्तरोन्नति हुने क्रममा रहेकाले यसले अहिलेसम्म कुनै पनि कुरूपताको अभिशाप बोक्नुपरेको छैन । १७ वटा वडामा विस्तारित यस नगरमा एकीकृत बस्ती विकास, योजनाबद्ध सहरीकरण, आधारभूत भौतिक सुविधाको उपलब्धता आदिको उचित व्यवस्थापन गर्न सकिने प्रशस्त आधारहरू रहेका छन् । पुराना सहरहरूले भोगिरहेका समस्यालाई शिक्षाका रूपमा लिँदै यस नगरमा रहेका विशिष्ट सम्भावनाहरूको गम्भीरतापूर्वक अध्ययन गरेर दीर्घकालीन योजनाका साथ अगि बढेमा यसको समुज्ज्वल भविष्य देखिन्छ ।

नगर परिचय

नगरपालिका प्राेफाइल

जनसंख्या विवरण
पुरुष महिला तेश्राे लिंगी जम्मा जम्मा घरधुरी
६३३१६ ६०५०९ ११ १२३८३६ २५५०३
शैक्षिक संस्थाहरु
प्रारभिंक बाल विकास केन्द्र आधारभूत माध्यमिक बिद्यालय क्याम्पस
स्वास्थ्य संस्थाहरु
स्वास्थ्य चौकी शहरी स्वास्थ्य केन्द्र २४ घंटे प्रसुती केन्द्र खाेप क्लिनिक गाउघर क्लिनिक महिला स्वास्थ्य स्वयंसेविका
३० २२ १७६
प्रहरी कार्यालय
मंगलापुर ड्राइभरटाेल महुबारी